رسالة مفتوحة من أستاذ إلى جميع أولياء التلاميذ


منقول

ستاذ ابتدائي من عنابة الى جميع الأولياء اللي راكم ارضيتولنا انقريو 50 تلميذ فالقسم انقلكم حاجات مكلاه اتعبو رواحكم واتجو عليهم وتبقاو تريكلامو :

01-متقوليش وليدي ميشوفش فالصبورة أمليح قدمهولي القدام عبالك 50تلميذ تلقى نصهم ما ايشوفش.

02-متقوليش اوليدي ميسمعش من بعيد ويتوقعلو شرود ذهني .

03-متقوليش اوليدي ميفهمش عليك وضعيف فالمادة .

04-متقوليش اوليدي ميكتبش في دروسو للانو 50تلميذ لوكان اراقبهم كل واحد دقيقة الساعه اتم.

05-متقوليش نتائج اتاعو ضعيفة حاول انك اتخصصلو وقت واتابعو لانها مستحيلة.

06-متقوليش الوقت معندوش فالدار باه إيراجع راهو ايروح على الخمسة يرقد من التعب وواجباتو ميحضرهمش .

06-متقوليش انسى الكراس والا الكتاب للانو بدلهم فالليل و الصباح زربو الوقت والعشية زيد زربو الوقت..

07-متقوليش وعلاه وليدي ايغيب في حصتك وميجيهاش وعلاه مكلاه اتقولهالي للاني منتفكروش بكل عندي 49 خلافو يستناو فيا.

08-مكلاه اتجيني اتخرجني من الحصة واتقولي اوليدي راهو صغير وعاملو معاملة خاصة مستحيل عندي 50تلميذ.

09-متجيش اتقولي وليدي يقرى الصباح والعشية ومعندوش الوقت باه ينجز تحضيراتو ايروح تعبان.

انا استاذ انقري وانقدم اللي عليا وانحاول في ساعة واحدة انقري 50تلميذ واللي بلغتلو الفكرة عندو قاعده واللي ما بلغتلوش الله غالب منيش رايح انعاودلو واش قرى فالسنوات السابقة .

تغريدة استاذ



Source link

اترك تعليقاً

لن يتم نشر عنوان بريدك الإلكتروني.